المقادير : نص كيلو شكولات خام 2 معلقة كاكاو نص كوباية دقيق نص معلقة بن ساده غامق 6 بيضات كوباية سكر فاتح كوباية لبن معلقة بودر نص معلقة كربونات
الطريقة :
ندوب الشكولات فى ماء دافى و نراعى اننا منحرقش الشكولات و نضيف ليها اللبن الدافى و نقلبها ونسيبها دافية و بعد كده نضرب البيض بالمضرب الكهربى لغاية ما يزيد حجمة و نضيفلة السكر و نضربة لغاية ما يعمل شريط و نضيف نص كمية الشوكلات و نقلب بمعلقة خشب و نضيف الدقيق مضاف ليه البودر و الفانيليا و الكربونات و الكاكاو و نقلب كويس بس خفيف بمعلقة خشب برضو و نصبها فى صنية حجمها متوسط و ندهنها كويس بالزيت و الدقيق و نحطها فى فرن حرارته متوسطةو نسيبها لغاية ما تبردو نقلبها و نصب عليها باقى كمية الشكولات و نحطها فى التلاجه شوية
بس كده و بالهنا و الشفا عليكم لا نسيت لازم تدوقونى انا ليا 10% منها